Ombo Skyttarlag

Finnøy Kunstlag (Ryfylke Kunstlag)

Finnøy kunstlag viser 4 vandreutstillingar i året i regi av Ryfylke kunstlag. Visningsstad på Finnøy er Finnøy Bibliotek.

Bethel Bedehus

Bethel bedehus er det eldste bedehuset i Ryfylke, som framleis står og som er i bruk som bedehus. Forsamlingshuset blei innvia 16. september i 1878 av den kjente presten og predikanten Lars Oftedal. Det var også han som tok initiativet til å få bygd bedehuset. Bedehuset har stått sentralt i Judaberg sentrum i alle år, og det har vore stor aktivitet for alle aldersgrupper i årevis. I dag er bedehuset både i bruk til faste lag som "Vi over 60", konfirmantundervisning og andre samkomer. Bethel har eit av dei beste og mest moderne kjøkken på Finnøy, og Bethel passar dermed perfekt til å ha åremålsdagar, konfirmasjonsfestar og andre markeringar i. Sidan 2004 har over 16 000 menneske fått med seg bedehusrevyen med Arne Nordbø og Tor Øyvind Skeiseid, i høve konseptet "Vandring i bedehusland." Bethel fekk også fasadelys i 2019, slik at bedehuset lyser mildt og varmt opp i Judaberg sentrum på mørke kveldar. Bethel bedehus blei freda av Riksantikvaren i mai 2025. Det er berre seks andre bedehus i Norge som er freda.